mardi 21 avril 2009

نلعب قدام دارنا، ما فما حد يحب يلعب معايا



حد ما قالي إلعب أما بش نلعب، خاطر عجبتني:

خمسة هدايا نحب نتحصل عليها:
- كرهبة
- عود باهي
- أردينتور
- رحلة الى دمشق
- رحلة إلى إسبانيا

خمسة اجراءت نعملها كيف نولي رئيس:

- نبدل منظومة إلتعليم بكل
- الأستاذ إلي يقري دروس خصوصية في درو يشد الحبس
- الصحوي يحلو كان بعد الخمسة تع لا عشية
-نزيد في شهرية البوليس وانقص منهم، واللي يتشد برشوة ننفيه
- الكار الصفرى نقطعها، ونبدلوهم بكيران مريحين

خمسة أشخاص ما ذابية نشد نكسرلهم ريوسهم:

- شباب اتجمع : (صغار وقفافة)
- علي بن نصيب هو وبرهان بسيس
-أستاذ ولا معلم يظلم تلامذة
- موظف ياخو رشوة بش يخدم خدمتو
- إطحانة بصفة عامة

خمسة أشخاص نتمنى نعيش معاهم:

-مرا تفهمني ونفهمها
- نصير شمة
- مارسيل خليفة
- مونيكا بلوشي
- العايلة

خمسة أشياء أفعلها لو علمت أنّني سوف أموت غدا:

- نطلب السماح مل عباد إلي متعارك معاهم
- نسلم عالعايلة وعلى أصحابي
- نقعد ليلة كاملة وانا نصلي وندعي لربي بش يغفرلي
- نمشي للبحر ونموت غادي
-نتبرع بشوية فلوس لعايلة فقيرة

mardi 14 avril 2009

كريم غرياني: سيبو الطفل يفرح

بجاه ربي توا يجي منو تونسي يعمل حاجة ولو صغيرة فالرياضيات وهو وليد صغير عمرو 19 سنه، توانسة فرحوا بيه وعملولو حملة إعلامية باهية، نقوم اننبرو: في معمل شي، في حكاية فارغة!! توا بربي أما خير، يفرح هو ونفرح احنا معاه، ونشجعوه هو وغيرو باش يتحركو وينشطو، ويعملوا حاجة ما خير، ولا نطفو لحكاية جملة، ونقعدو نحكيو عل كوارجية اش عملوا ولا اش دخلوا، و نزيدو على حالنا كرة وحكيت فارغة!! بجاه ربي سيبوه،
أنستو